loader
MaskImg

نخلة عراقية

سيرة مبدع عراقي

كاظم الخطيب

breakLine

كاظم الخطيب / شاعر وفنان

 

رحل الشاعر والفنان والكاتب المسرحي كاظم محمد إسماعيل الخطيب (1951- محلة البراق – النجف ) من هذا العالم بتاريخ (2/10 / 1989) وقد يكون بذلك لم يتم تحقيق كل طموحاته وامنياته الفنية والشعرية .
ومن المفيد أن يتعرف عليه محبي الادب الشعبي ويعرفون جزءاً من مواهبه المتعددة الا وهو موروثه الشعبي . إنه شاعر حديث ظهرت اثاره الشعرية في السنين الاولى عام 1969 ولكنها لم تعرف في حينها الا لدى القليل من زملائه الفنانين والشعراء عندما اسس مسرح الطليعة آنذاك منهم : محمد الصكر ومحسن الرماحي ومحمد حسن دعيبل وسعيد الخطاط وعدنان الرماحي وهلال الكعبي . فشاعرنا الراحل الخطيب فهو من المجددين في اللغة الحديثة في القصيدة الشعبية إذ قال في احدى قصائده :
بسواد الليل والدنيه تصب اجحيل
واخونك عبرتي كوه ودموعي تسيل
بكيت اجمع عشكنه من تبده بيوم
روحي جل الحمامه على الديار تحوم
لهنا وانتهى حدي
وحدي بغربتي وحدي
وحدي بليله ظلمة والصبح ترتيل
فكان الشاعر الراحل اشد حباً للحبيب الذي ابتعد عنه ، فبقية احلامه التائهة وحزنه يحرق بروحه ،فكتب شعراً غنائياً غنته حناجر طربية في زمن الاغاني الجميلة ، ومنها أغنيته الرائعة التي لحنها الفنان جعفر الخفاف وغناها المطرب رضا الخياط قبل ان يغير بعض من مفرداتها :
احرك بروحي حرك .......من جوه لي جوه
واغصب جروحي غصب.. واعله الصبر كوه
اتناغه ويه الصبح وادري الصبح هم ليل
مابيه حيل الحجي ونه وحسافه اوويل
وك عاد مامش وفه .......... وك مامش مروه
+++
جم ليل مر وجزه .......... وعينك غفت عنه
ونكول باجر يجي ............ومانكطع الظنه
والامل بينه كبر ............ هم زين بينه امل
راحتنه تسحن سحن ..... ماخذنه خوف وخجل
بسكوت يجري الدمع والونه جالغنوه
+++
ياحيف مر الوكت .......... واحنه تطشرنه
ماندري شنهو الفرح ..... والضحك مامرنه
ياعين ملنه العمر ......... والدهر بدانه
واحنه بكايه جرح ...... لسيوف ممشانه
بسكوت يجري الدمع ....والونه جالغنوه
وك عاد مامش وفه وك مامش مروه
احرك بروحي حرك ....من جوه لي جوه
لقد ذاق مرارة العشق ومكابداته الشديدة ، فأخذ يكتب بشعور جياش صادق بحبه الازلي المتأجج للحبيبة فلا حدود له :
دمع جذاب بعيونك شجاني كلي شحصلت منك شجاني
انطيتك كل تعب عمري شجاني ومنك مابدت حته التحية
اما المعاناة التي جسدها كاظم في كتاباته هي معاناة حقيقية معاشة وصادقة فكانت علاقته بالحبيب هجراً وخصاماً وصدود ليس له ألا قلب يقدمه الراحل له مهما كان هذا القلب مفعما باللهيب والعاطفة والحنان وامام كل هذا فأخذ يناجيه ولكن دون جدوى ، حتى بقي في دوامه مع الحبيب والألم والشغف الذي ظل ينخره حتى الموت كما في قصيدته الموسومة (عشك النجف):
الجذب هين ... !!!
الدغش هين .... !!!
عدنه هين كلشي هين ...
حبيبة بس العشك ورطة !!!
بالنجف عدنه العشك منشور سري !!!
وعدنه كل الناس شرطة .
وين أشوفج ؟؟؟
وين ننطي وجوهنا من العيون ؟؟
ويا عكد يحمل عشكنه ؟؟
بيا حديقة تفيي للحب الغصون ؟
حبسي بشفافج البوسة وخنكي بعيونج الكيف .
العشك بالنجف طيف !!!
واليمر بيه ....
لو يصير تراب بدروب اليحبهم
لو يصير بعشكه سيف !!!
وآنه كلبي أرق من نسمة وأحن من كل وتر
دورت عن سجة تاخذنه الهوانه لكيت بس درب السهر !!
وقشمرت روحي وكلت خليني أساهر
هلبت الدنيا تلمنه ويجي باجر
وإجه باجر .. وغيم البعيني إنكشف
كلشي بالدنيا تقدم
حبيبه بس عشك النجف
آخ ياعشك النجف .
*
وردنه مرة نلتقي ....
ونطبع على الشفة الغزاها جحيل ...
نيران السوالف
كتبت ورقة .. وإجت ورقة وبيها جلمة مايخالف .
إجه الموعد .. والتقينه .....
هيه ماخذها الرجيف وآني خايف !!!
نخاف من خيالنه يوصل حجي !!!
شكيت إلها وهي كامت تشتكي .
أمس أبوها يكلها يبنيه تره شعري وكف !!
صاح أخوها ضاع بالدنيا الشرف !!
وهم مايدرون بالحب هالوكت أعظم شرف .
آخ ياعشك النجف .
*
وردت أنسه ...
وهاي روحي دوم تنسه اللي يضدها
وردت أنسه ...
وروحي وردة تخبص الدنيا بعطرها
وهيه أبدا ما تحسه
مثل طبع الكاع روحي ....
تحجي بيها الناس دوم وهيه خرسه
إلمن أحجي وإلمن أشكي ؟؟؟
الناي من يدوي الطبل يختنك حسه
ورجعت أزرع عيوني ورود بدروب المَدِرْسة
آخ ياباب المَدِرْسة
آخ يسياج المَدِرْسة
حفظت شكل الباب كله !!
ودرخت طابوك حيطان المَدِرْسة !!!
حبيبه جم حصة التعدت وآنه كلبي بليه حصة
حبيبه كولي من يدكون الجرس بهداي لمن تجي الفرصة
آخ يادكة جرسكم ....
لدكته بكليبي قصة !!!
حفظت كل دكاته كلها ... وبالأخص دكته الأخيرة !!!
ها إجت دكته الأخيرة ....
وانفتح باب المراد ...
وجره شلال العبي
روجة تمشي إبطن روجة
يتهاده بس هو بفرح
وآنه أطكن حيرة حيرة
المحت عينج من بعيد .... مورده بضحكة جبيرة
ردت أجهبج ... خفت من صف الرصاص اليلمع بعين المديرة
آخ يعيون المديرة ...
وآخ من الروح لو نبع العشك بيها نشف
العشك حاجة وما يصير أبدا ترف
آخ ياعشك النجف
*
ماكو تالي يالحبيبة ماكو تالي
إحنه منريد العشك بالعين دمعة
جيبي إيدج خل نلاوي الضيم كوه
والظلم نمشي على ضلعه
مو عجيبه ...
عدنه ناس اتاجر بالله وتسمي العشك بدعة
ومو عجيبه ...
إحنه للميت نوج شموع عشرة ولليحب مانوج شمعة ؟
جيبي إيدج خل نكلهم مو عجيبة اللي يحب محبوب عمره
مو عجيبه ....
المايحب أكبر عجيبة !!
وعلى الرغم من الازمة الكبيرة التي مرّ بها لكنه لم ينسَ هموم مجتمعه و لم يعش بتهويمات فارغة ، فكان ملتصقا كل الالتصاق بهذه الارض وتربة هذا الوطن الذي عاش فيه معبرا عن حبه والتضحية من اجله في مسارين اما الشهادة واما الحياة السعيدة على الارض والذي لم ينلها ابدا :
حديقه ها الوطن بس لليحبون
تمد اجفوفه وتنطيهم اثمار
سكيناهم بمهجنه وطكن اورود
مر الفجر خذهه وشكبن اشعار
اهواي اجروح تعضه اشفافه بليل
بس جرح الكرامة يطلب الثار
من اثنين وحده بهاي دنياك
لونومت لحد لوعيشت احرار
كان رحيل الخطيب كاظم رحيلاً فاجعاً ومؤلماً فأنه في الوقت نفسه شكل خسارة كبرى لادبنا الشعبي العراقي .

 

...........................

...........................

الاخبار الثقافية والاجتماعية والفنية والقصائد والصور والفيديوهات وغير ذلك من فنون يرجى زيارة موقع نخيل عراقي عبر الرابط التالي :-

www.iraqpalm.com

او تحميل تطبيق نخيل

للأندرويد على الرابط التالي 

حمل التطبيق من هنا

لاجهزة الايفون

حمل التطبيق من هنا

او تابعونا على مواقع التواصل الاجتماعي 

فيس بوك نخيل عراقي

انستغرام نخيل عراقي